LAPOCALISSE

Cummari Sara, Donna Pippina,
u sapiti chi sintii stamatina?
Cuntati prestu cummari,
picchì c'ìaiu chiffari.

Lu viscuvu novu,
mi rissi cumpari Pippinu,
voli mannari a Patri Morminu,
comu fici cu Patri Liboriu,
e cu Patri Rosariu.
certu ca doppu tant'anni,
chistu fà tanti danni
nà li strati, e nà li' ngnuni,
o affacciati ne balcuna,
tutti quanti stannu a parrari,
di li Parrini ca vuoli mannari.
Di tutti li chiesi chiusi
distinannuli a autri usi
di li Tradizioni Popolari,
di tutti li cosi ca vuoli canciari,
sapiti chi vi ricu cummari ?
Cu sti notizii mi facistivu allintari
chistu cu lu so fari, puru li Santi fà scappari
sulu cu na fidi granni chiù du mari,
un fattu accussì si pò accittari
e si no cuori c'aviti l'amuri
dissi a li discepuli u Signuri
purtati pi lu munnu la me cruci,
ca si la fidi c'è diventa leggia e duci.

Raggiuni aviti cumpari Pippinu,
Abbrazzamuni sta cruci,
p'amuri Divinu,
prestu! la cruna jti a pigghiari
e mittiemuni a priari,
'nca forsi lu Patri Ranni
ni scanza sti malanni.